Ақтауда ескі қоқыс контейнерлерін жаңасына ауыстыру жұмыстары жүргізілуде

Ақтауда ескі, тозығы жеткен қоқыс контейнерлерін жаңасына ауыстыру жұмыстары жүргізілуде, деп хабарлайды mangystaumedia.kz сайты қала әкімдігінің баспасөз қызметіне сілтеме жасап.

Жаңа контейнерлерді орнату жұмыстары 29 ш/а 17, 5 үйлер, 12 ш/а 56 үй, 11 ш/а 28 және 26 үйлер, 14 ш/а 40, 41 үйлер, 6 ш/а 40 үйдің маңында жүргізілді. Қазіргі таңда кестеге сәйкес қалған шағын аудандарда ескі контейнерлерді жаңасына ауыстыру жұмыстары жүргізілуде.

- Биыл қала аумағындағы тозығы жеткен қоқыс жәшіктерін жаңарту мақсатында 700 дана жаңа контейнер алынды. Бүгінгі күнге дейін қала аумағында 100 дана ескі қоқыс контейнері жаңасына ауыстырылды. Кестеге сәйкес қалған 600 дана жаңа қоқыс контейнерін орнату жұмыстары жалғасуда, - деді Ақтау қалалық тұрғын-үй коммуналдық шаруашылық бөлімінің маманы Жантілек Асхатов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.