Ақтауда 200-ден астам сарбаз әскери ант қабылдады

Ақтау қаласының әуе шабуылына қарсы қорғаныс бригадасында 200-ден астам сарбаз әскери ант қабылдады, - деп хабарлайды mangystaumedia.kz сайты Ақтау гарнизонының баспасөз қызметіне сілтеме жасап.

Сарбаздар Маңғыстау, Түркістан, Қызылорда, Атырау, Ақтөбе облыстары мен Астана қаласынан шақырылған. Салтанатты іс-шараға ҚР Қарулы Күштердің ардагерлері, интернационалист-жауынгерлер, Ақтау гарнизонының бригада командирлері, Аналар кеңесінің мүшелері, сондай-ақ әскерге шақырылғандардың туыстары мен жақындары қатысты.

Әскерге шақырылған сәттен бастап сарбаздар күшейтілген дайындық курсынан өтті. Бір ай бойы әскери бөлімнің тарихын зерттеп, қару-жарақпен танысып, оқу-жаттығуларға қатысты. Сонымен қатар мемлекеттік құқықтық және атыс дайындығына қатысты.

- Осы бригадада қызмет етіп жүргеніме өте қуаныштымын! Қарулы Күштер қатарында жүріп, Отанға абыроймен қызмет етуге дайынмын, - дейді Түркістан облысынан келген қатардағы жауынгер Аңсар Меделханов.

Іс-шара барысында қонақтар әскери бөлімнің тыныс-тіршілігімен танысты. Қару-жарақ пен әскери техника үлгілерін қарап, қоян-қолтық ұрыс элементтерін және қару-жарақпен сән көрсетілімін тамашалады.

Әскери ант қабылдаудың салтанатты рәсімінен соң әскери бөлім қолбасшылығының офицерлері әскерге шақырылғандардың ата-аналарымен кездесу өткізіп, барлық сұрағына жауап берді. Енді сарбаздар Жаңақазан, Атырау, Жаңаөзен, Форт-Шевченко және Бейнеу сияқты түрлі гарнизондарда орналасқан әскери бөлімдерге бөлінеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.