Ақтауда 14 шағынауданның ішкі жолдарына жөндеу жұмыстары басталды

Ақтауда 14 шағынауданның ішкі жолдарында шұңқырлы жөндеу жұмыстары жүргізіліп жатыр, - деп хабарлайды mangystaumedia.kz.

Қалалық тұрғын үй-коммуналдық шаруашылық бөлімі мамандарының сөзінше, ауа-райы қолайлы болса, жөндеу жұмыстары 10-15 күнде аяқталады.
Қазір жолда асфальтты кесу және дайындау жұмыстары жүргізіліп жатыр.

Сондай-ақ Ақтауда 11 шағынауданның ішкі жолдарында 9000 шаршы метр асфальт төселді. Атап айтқанда, аталған шағын аудандағы №23,24,25,18а,18,19, 26,27,28, 31, 32,33 тұрғын үйлердің жанындағы жолдарға асфальт төселді.

Ақтау қалалық тұрғын үй-коммуналдық шаруашылық бөлімі қала тұрғындарынан келтірілген қолайсыздықтарға түсіністікпен қарауды сұрайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.