Ақтау қалалық ТЖБ: Каспийде қауіпсіздік ережелерін сақтауларыңызды сұраймыз

Қатты аяздың салдарынан Каспий теңізінің кейбір бөліктерін мұз басты. Ақтау қалалық төтенше жағдай басқармасы қызметкерлерінің айтуынша, адамның қауіпсіз қозғалысы үшін мұздың қалыңдығы кем дегенде 10 сантиметр болуы керек, - деп хабарлайды mangystaumedia.kz қала әкімдігінің баспасөз қызметіне сілтеме жасап.

Қазіргі таңда теңіз жағалауын 2 саниметр мұз басты, бұл адам салмағын көтере алмайды. Ақтау қалалық төтенше жағдай басқармасы ауа райының күрт өзгеруіне байланысты тұрғындардан қауіпсіздік ережелерін сақтауды сұрайды:

1) мұзға жеке немесе топпен шығуға болмайды;
2) көлікпен мұзға шығуға болмайды;
3) балаларды қараусыз қалдырмаңыздар.

Сонымен қатар, мамандар су айдындарында қауіпсіздік ережелерін бұзған азаматтарға ҚР әкімшілік құқықбұзушылық кодексінің 412 және 364-баптары бойынша әкімшілік жауапкершілікке тартылатынын ескертеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.