Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
© Kmg.kz
«ҚазМұнайГаз» ҰК АҚ Басқарма төрағасы Асхат Хасенов CITIC Group қытай компаниясының директорлар кеңесінің төрағасы Си Гуохуамен және CITIC Resources Holdings Limited бас атқарушы директоры Хао Вэйбаомен кездесті, деп хабарлайды mangystaumedia.kz компанияның баспасөз қызметіне сілтеме жасап.
Тараптар Ақтау битум зауытының («CASPI BITUM» ЖШС) өндірістік қуатын жылына 1,5 млн тоннаға дейін кеңейту жөніндегі жобаны іске асырудың ағымдағы мәртебесін талқылады. Өткен жылы «NJPEC» институты (ҚХР) жоба бойынша алдын ала техникалық-экономикалық негіздеме әзірлеп, зауыттың техникалық аудитын жүргізді. Ағымдағы жылдың мамыр айында құрылыс бойынша РС-келісімшарт жасалды және қазіргі уақытта егжей-тегжейлі жобалау жұмыстары жүргізілуде.
А.Хасенов Қазақстан үшін битум өндірісін дамытудың стратегиялық маңыздылығын атап өте отырып, 2025 жылғы жол-құрылыс жұмыстары маусымы басталғанға дейін зауытты іске қосудың маңыздылығын атап өтті.
Сондай-ақ, CITIC Group басшылығымен кездесу барысында «Қаражанбасмұнай» АҚ бірлескен кәсіпорнының өндірістік қызметі мәселелері қаралды.
ҚМГ басшысы ұлттық компанияның CITIC Group серіктестерімен өзара іс-қимылды нығайту бағытының өзгермейтіндігін растап, бірлескен жоспарлардың табысты іске асырылатынына сенім білдірді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.