Бұған дейін Маңғыстау облысы бойынша Жемқорлыққа қарсы қызмет департаментіне қоғам белсенділерінен Ақтау қаласының аумағында 87 млн теңгеге модульдік дәретханаларды орнатуға қатысты ақпарат түсіп, материал ақпаратты есепке алу кітабында тіркелді. Тиісті тексеру жүргізу үшін материалдар Ішкі мемлекеттік аудит департаментіне жолданды, деп хабарлайды mangystaumedia.kz Антикорға сілтеме жасап.
Тексеру нәтижесінде «Ақтау қалалық тұрғын үй-коммуналдық шаруашылық бөлімі» ММ қызметіндегі заң бұзушылықтар анықталып, басшысы Г.И.Серікбаевқа қатысты ҚР Әкімшілік құқық бұзушылық туралы кодексінің 207-бабы бойынша 200 АЕК мөлшерінде әкімшілік айыппұл салынды.