Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Қытай Халық Республикасында коронавирус тудырған дүрлігуге байланысты аймақ тұрғындары медициналық маскаларды көптеп сатып алып жатыр. Өңірдегі дәріханалар иелері бұл жағдайды пайдаланып кетпейді, медициналық маскалар бұрынғы бағамен — біреуі 30 теңгеден сатыла береді. Маңғыстауда осыған сәйкес тиісті меморандум қабылданды. Бұл туралы Маңғыстау облысы тауарлар мен қызметтердің сапасы мен қауіпсіздігін бақылау департаментінің баспасөз қызметі хабарлады.
Маңғыстау облысының әкімдігі, аймақтың провизорлар мен фармацевттер қауымдастығы және облыстың тауарлар мен қызметтердің сапасы мен қауіпсіздігін бақылау департаменті арасында медициналық бұйымдарға (маскаларға) бағаның өсуін тежеу мәселелері бойынша ынтымақтастық туралы Меморандумға қол қойылды.
Құжат тараптарды медициналық бұйымдарға — медициналық үш қабатты BIOMASK маскасын, медициналық үш қабатты MegaPharma маскасын үздіксіз жеткізуді және тіркелген бөлшек сауда бағасын ұстап тұруды қамтамасыз етуге міндеттейді. Меморандум 2020 жылдың 31 қаңтарында күшіне енді және 2020 жылдың 31 наурызына дейін қолданыста болады.
Бүгінде облыс аумағында 400 дәріхана жұмыс істеп тұрса, оның 230-ы – Ақтауда. Қазір барлық дәріхана желісіндегі көтерме және бөлшек саудада 61 000 данадан астам медициналық маска бар. Аптаның аяғына дейін тағы 65 000 дана медициналық бетперделер түседі деп күтілуде.
Валентина ҚОЗЫБАҚОВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.