Экологтар Каспий теңізін иесіз қалған аулар мен қоқыстардан тазартты, деп хабарлайды mangystaumedia.kz
Маңғыстау облысының табиғи ресурстар және табиғатты пайдалануды реттеу басқармасына сілтеме жасап.
«Тастанды аулар мен теңіз қалдықтарын жинау» жобасы бойынша гидробиология және экология институтымен 2022 жылғы 1 қыркүйек пен 20 қыркүйек аралығында солтүстік жағалаудағы қараусыз қалған балық аулау аулары мен қоқыстарды тазарту жұмыстары жүргізілді. Түпқараған аумағы мен Маңғыстау шығанағының іргелес акваториясы Каспий итбалығының мекендеу ортасы ретінде итбалық аралдарын қалпына келтіру және оның популяциясын тұрақтандыру үшін маңызды болып табылады.
Маңғыстау облысы бойынша балық инспекциясы басқармасы мен «Эко Маңғыстау» ҮЕҰ-мен бірлесіп тексеру және тазалау жұмыстары жүргізілді. Қараусыз қалған аулар мен теңіз қалдықтарын кәдеге жарату көлемі мен баға беруді «Eco Waste Aqtau» ЖШС жүргізді.
Айта кету керек, жобаға Маңғыстау облысының табиғи ресурстар және табиғатты пайдалануды реттеу басқармасы қолдау көрсетіп отыр.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
