Ақтауда мүмкіндігі шектеулі жандар үшін спорт алаңы салынып жатыр

Ақтаудағы 32А шағын ауданындағы 27, 28, 29 үй жанынан мүмкіндігі шектеулі адамдарға арналған спорт алаңы салынып жатыр, деп хабарлайды mangystaumedia.kz облыстық ҚКО-ға сілтеме жасап.

Қазір футбол алаңы салыну үстінде. Алаңның жалпы ауданы — 450 шаршы метр. Ал алаңның маңынан аумағы 182 шаршы метрлік воркоут алаңы тұрғызылмақ.

Айта кетейік, алаң «Халық қатысатын бюджет» бағдарламасы есебінен іске асып жатыр.

- Бұл үйлердің тұрғындары алаңның орналасатын жерін өздері таңдады. Өтінімге сәйкес, воркаут-алаңда 9 түрлі жаттығу жасайтын құрал орнатылатды, - дейді қалалық ТҮКШ бөлімінің мамандары.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.