Туризм: Ақтау - ШЫҰ елдері үшін толыққанды демалыс орталығына айнала алады

Өзбекстан астанасы Ташкентте «ШЫҰ елдері ынтымақтастығының жаңа кезеңі: туризм және мәдени мұра» халықаралық форумы өтті, деп хабарлайды mangystaumedia.kz.

Форумға ШЫҰ-ға (Шанхай ынтымақтастық ұйымы) мүше – Индия, Қазақстан, Қытай, Қырғызстан, Пәкістан, Ресей, Тәжікстан, Өзбекстан мемлекеттері туристік әкімшіліктерінің басшылары, туризм саласын дамыту мен мәдени мұраларды сақтау жөніндегі халықаралық сарапшылар қатысты.

Жиында сөз сөйлеген ҚР Мәдениет және спорт министрі Дәурен Абаев Ұлы Жібек жолы бойы - туризмнің басты бағытының бірі екенін айтты. Сонымен қатар, бұл бағыттағы Маңғыстау облысының әлеуетін ерекше атап өтті.

- Ұлы Жібек жолының туристік бағдарын ілгерілету – негізгі бағыттардың бірі. Ақтаудағы теңіз-сауда порты жағжайлары мен қонақүйлері, инфрақұрылымы, қолайлы климаты және маңайындағы ғажайып мәдени ескерткіштері ШЫҰ елдері үшін толыққанды демалыс орталығына айнала алады», - деді Дәурен Абаев

Министр тамаша табиғаты мен жер бедеріне бар Қазақстан трансшекаралық туризмнің бірнеше нұсқасын ұсына алатынын айтты. Мәселен, Тянь-Шань мен Алтай тауларында - тау туризмін, ал Каспий теңізінде - круиз, Ұлы Жібек жолы бөлігінде тарихи саяхат түрлерін ұйымдастыруға мүмкіндік бар.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.