Жеңіс күніне орай ҰОС ардагерлері және басқа санаттарына, яғни 1 894 адамға материалдық көмек көрсету үшін 280 млн теңге қарастырылды. Бүгінгі күні 1 701 адамға 250 млн теңге төленді. 9 мамырға дейін толықтай төлем жүргізу жұмыстары аяқталады. Бұл туралы Қоғамдық коммуникация орталығында өткен брифингте Маңғыстау облысы жұмыспен қамтуды үйлестіру және әлеуметтік бағдарламалар басқармасының басшысы Әсет Шопанов айтты, - деп хабарлайды mangystaumedia.kz сайты.
Оның айтуынша, бүгінгі таңда облыста Ұлы Отан соғысының
6 ардагері тұрады. Жыл басынан бері оларға коммуналдық қызметтерді өтеу үшін 202 мың теңге төленді. Биыл қаралған қаражат 880 мың теңге.
- Жеңіс күніне орай ҰОС ардагерлеріне жергілікті бюджеттен 1 млн теңгеден қаражат төленді. Жеңілдіктер бойынша Ұлы Отан соғысының ардагерлеріне теңестірілген 774 ардагерлеріне 40 – 60 айлық есептік көрсеткіш аралығында бір жолғы материалдық көмек көрсетілуде. Нақтыласақ, қоршаудағы кезеңде Ленинград қаласының кәсіпорындарында, мекемелері мен ұйымдарында жұмыс істеген және "Ленинградты қорғағаны үшін" медалімен немесе "Қоршаудағы Ленинград тұрғыны" белгісімен марапатталған азаматтар - 1 адамға 153 150 теңге, Екiншi дүниежүзiлiк соғыс кезеңiнде фашистер мен олардың одақтастары құрған концлагерьлердегі, геотолардағы және басқа да мәжбүрлеп ұстау орындарындағы кәмелетке толмаған тұтқындар - 3 адамға 153 150 теңгеден, Ұлы Отан соғысының қайтыс болған мүгедегінiң немесе жеңілдіктер бойынша Ұлы Отан соғысының мүгедектеріне теңестiрiлген адамның екiншi рет некеге тұрмаған жұбайылары – 26 адамға 122 520 теңгеден ,- деді Әсет Шопанов.
Сондай-ақ, жеңілдіктер бойынша Ұлы Отан соғысының ардагерлеріне теңестірілген – 1 адам 153 150 теңгеден, Ұлы Отан соғысының мүгедектеріне жеңілдіктері жағынан теңестірілгендерге – 49 адамға 183 780 теңгеден, Ұлы Отан соғысы жылдарында тылдағы қажырлы еңбегi және мiнсiз әскери қызметi үшiн бұрынғы КСР Одағының ордендерiмен және медальдерiмен наградталған – 574 адамға 122 520 теңгеден, қаза тапқан әскери қызметшiлердiң отбасылары – 56 отбасыға 122 520 теңгеден, басқа мемлекеттердің аумағындағы ұрыс қимылдарының мүгедек ардагерлері - 64 адамға 183 780 теңгеден төленбек.
Мұнан бөлек, басқа мемлекеттердің аумағындағы ұрыс қимылдарының ардагерлері Ауғанстандағы әскери қимылдарға қатысқан әскери қатысушылары, Чернобыль атом электр станциясындағы апаттың зардаптарын жоюға қатысушы, Тәжікстан-Ауғанстан учаскесінде әскери қызметшілері, Ирактағы халықаралық бітімгершілік операциясындағы әскери қызметшілері, Таулы Қарабахтағы этносаралық қақтығысты реттеуге қатысқан әскери қызметшілер – 1 120 адамға 153 150 теңгеден көмек берілуде.
Шипажайлық – курорттық емделуге Ақтау қаласында Ұлы Отан соғысының қатысушылары мен мүгедектеріне және соларға теңестірілген адамдарға, олардың жесiрлерiне, қаза тапқан әскери қызметшілердің отбасыларына, тылда еңбек еткен және әскери қызмет өткерген қатысушылары барады. Биыл 250 адамға 22,7 млн теңге қаражат бөлінді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
