Жаңаөзенде жүргізушіден есірткі тәркіленді

28 сәуір күні Жаңаөзенде жүргізуші ұсталды. Ұсталған сәттің видеосы Facebook желісіне тарап кетті, - деп хабарлайды mangystaumedia.kz сайты.

Желі қолданушылары фара жақпаған жүргізушіге сонша полиция қызметкерлерінің жиналғанына таңғалды.

Облыс полицейлерінің хабарлауынша, Жаңаөзен қалалық ІІБ патрульдік полиция ротасының қызметкерлері «Сақ» базарына қарама-қарсы «Жұлдыз» шағынауданында «Тойота Камри» көлігін жарықты жақпағаны үшін тоқтатқан. Алайда құжаттарды тексеру барысында жүргізушінің көлік жүргізуге құқығы жоқ екені белгілі болды. Сондай-ақ, көлікті тексеру барысында 1 бума есірткі заты тәркіленді. Оқиға орнына жедел-тергеу тобы келді. Жүргізуші полицейлерге қарсы шықты.

Аталған факті ҚР Қылмыстық кодексінің 296-бабының 2-бөлігі бойынша Жаңаөзен қаласы бойынша ЕРДР УЕ-ге тіркелді. Сонымен қатар, жүргізушіге қатысты полиция қызметкерінің заңды талабына бағынбау баптары бойынша әкімшілік хаттамалар толтырылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.