Ақтауда әлеуметтік қызмет көрсету орталығынан өрт шықты

Бүгін 1 шағынауданда орналасқан №3 әлеуметтік қызметтер көрсету орталығынан өрт шықты, - деп хабарлайды mangystaumedia.kz сайты Маңғыстау облыстық төтенше жағдайлар департаментінің баспасөз қызметіне сілтеме жасап.

Оқиға туралы Маңғыстау облысы Төтенше жағдайлар департаментінің жедел кезекшісіне сағат 08-50-де қоңырау түскен.

"Ғимараттың әдістемелік бөлімі жанған. Шамамен 100-ге жуық адам қауіпсіз жерге көшірілді. Зардап шеккендер жоқ. Өрт ғимараттың 30 шаршы метрін шарпыған", - дейді Ақтау қаласы Төтенше жағдайлар бөлімі бастығының міндетін атқарушы азаматтық қорғау капитаны Нұрсұлтан Әбдіраш.

Өрт шамамен сағат 09:20-да толық сөндірілді.

Оқиға орнына 9 техника, 26 қызметкер жұмылдырылды.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.