Нұрдәулет Қилыбай Ақтауда екі мешіт салынып жатқанын айтты

Ақтауда 17 шағынауданда орналасқан ескі мешіттің орнына қазір "Алты құлаш Әулие" мешіті салынып жатыр. Бұл туралы Ақтау қаласының әкімі Нұрдәулет Қилыбай фейсбук парақшасына жазды, - деп хабарлайды mangystaumedia.kz сайты.

Қала әкімінің айтуынша, бұған дейін құрылысшылар мешіттің іргетасын қалаған. Енді қабырғаларының құрылысын кіріскен.

"Мешіт келесі жылы жазда пайдалануға беріледі. 1 500 жерлесіміз иық тіресіп, Жаратқанға қазағымның даласына берген берекеті мен бақытына, ырысы мен ынтымағына мың алғыс айтатын болады. Жақсы күндеріміз сарқылмағай!" - деп жазды қала әкімі Н.Қилыбай.

Сонымен қатар ол 39 шағынауданда салынып жатқан "Ержан Хазірет" атындағы мешіттің құрылысы жақында аяқталатынын атап өтті.

Жұлдызай ҚАЛИЕВА

Суреттер фейсбуктен алынды

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.