2021 жылы 350 мыңнан астам мал басы жұқпалы ауруларға қарсы егілді

2021 жылы Маңғыстау облысында жануарлардың аса қауіпті ауруларына қарсы 351 250 бас малға препараттар егілді. Бұл туралы қоғамдық коммуникация орталығында өткен брифингіде Маңғыстау облысы ветеринария басқармасының басшысы Бердібек Марқабаев хабарлады.

-Жануарлардың аса қауіпті жұқпалы ауруларына, оның ішінде ұсақ мүйізді малдың брадзоты, анаэробты энтеротоксемиясы, мүйізді ұсақ малдың пастереллезы, ірі қара малдың, жылқының, түйенің, мүйізді ұсақ малды -сібір жарасына, мүйізді ұсақ малды күлге (түйені шешекке), ірі қара малының, түйенің туберкулезне, етқоректілердің эхинококкозы, түйенің обасы, құтыру ауруларына қарсы егу (вакцинациялау) іс-шараларының жоспарына сәйкес, 2021 жылы 351 250 бас малға препараттар егілді,-деді Бердібек Марқабаев.

Жалпы, өңірге 289 775 доза препарат тасымалдап жеткізілген. Облыс бойынша 128 442 малдың қан сынамалары қауіпті ауруларға қарсы тексерілген. Нәтижесінде жылқының лептоспироз ауруы – 1 ошақ тіркелді. Лептоспироз (Leptospirosis) - табиғи ошақты, дененің қызуы көтерілуі, несепте қан мен терінің сарғайып, еттің жансыздануы, ішек-қарынның қызметі бұзылып, буаз малдың іш тастауы, төлді шала тууы арқылы ерекшеленетін жұқпалы ауру.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.