Коммуналдық мәселелер: Қайда шағымдануға болады?

Ақтаулықтар енді коммуналдық мәселелер бойынша 109 бірыңғай байланыс орталығына хабарласа алады, - деп хабарлайды mangystaumedia.kz.

27 шілдеде жұмысын бастаған 109 бірыңғай байланыс орталығына түскен шағымның көбі сумен қамтамасыз ету, тұрмыстық қатты қалдықтар және электр энергиясы мәселесіне қатысты.

109 бірыңғай байланыс орталығы арқылы тұрғындар мына мәселелер бойынша шағымдана алады:

Оқи отырыңыз: Ақтауда жеңіл атлетикадан турнир басталды

• қала, аула аумағын абаттандыру;
• қала бойынша пәтерді және көшені жарықтандыру;
• қала бойынша ғимараттар мен тұрғын үйлерді сумен жабдықтау және қамтамасыз ету;
• кәріздік сораптық стансалары мен тазарту құрылғылары;
• қаланы жылу энергиясымен қамтамасыз ету;
• ашық құдықтар;
• газбен жабдықтау;
• лифт жұмысы;
• қалалық жол инфрақұрылымдары;
• ПИК жұмысы;
• тұрмыстық қалдықтар;
• ашық электр қалқандары;
• қаланы көгалдандыру.

109 бірыңғай байланыс орталығының жетекшісі Нұргүл Жеткізгенованың айтуынша, шілде айынан бері тұрғындардан 3878 шағым түссе, оның 3621-і орындалған. Қалғаны әлі аяқталмаған. Байланыс орталығы демалыссыз әрі үзіліссіз жұмыс істейді.

"Орталыққа келіп түскен барлық өтініштер өңделіп, әрі қарай мәселені белгіленген мерзімде шешу үшін мемлекеттік органдарға немесе коммуналдық қызметтерге жолданады. Сонымен қатар, мамандар өтінімдердің орындалуы бойынша кері байланыс жасайды. Және тұрғын өзінің өтініші бойынша жұмыстың атқарылғандығын растайды. Егер тұрғын өтінішінің орындалмағанын растаса, операторлар бұл өтінішті тиісті органға үшін кері жібереді", - деді 109 бірыңғай байланыс орталығының жетекшісі Нұргүл Жеткізгенова.

Тұрғындар 109 бірыңғай нөміріне қоңырау шалу (тегін) арқылы, “Smart Aktau” мобильді қосымшасы, @aktau109.kz Instagram және Facebook парақшасы арқылы, www.aktau109.kz сайты арқылы шағымдарын қалдыра

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.