Қала күні: Не? Қайда? Қашан?

Ақтау қаласы күніне арналған мәдени-көпшілік, спорттық іс-шаралар бағдарламасы белгілі болды, - деп хабарлайды mangystaumedia.kz сайты.

24 қыркүйек күні сағат 18:00-де Абай атындағы мәдениет үйінде «Ару қалам – Ақтау» атты мерекелік концерт өтеді.

25 қыркүйек күні сағат 17:00-де Абай атындағы мәдениет үйінде классикалық әуен кеші ұйымдастырылады.

Қыркүйектің 24-25 күндері сағат 12:00 – 19:00-да Абай атындағы мәдениет үйінде қала қолөнершілерінің жәрмеңкесі, 25 қыркүйек күні сағат 9:00 – 16:00-де 26 шағынаудандағы «Қасиет» медициналық орталығының алдындағы автотұрақта «Ауыл шаруашылығы тауарларын өндірушілер» жәрмеңкесі өтеді.

24-26 қыркүйек күндері 8 шағынаудан «Сәуле» БЖСМ-да ҚР Тәуелсіздігінің 30 жылдығы қарсаңында және Ақтау қаласы күніне орай грек-рим күресінен қалалық ашық турнир ұйымдастырылады.

Ал 24 қыркүйектен 4 қазанға дейін №20 мектепте шағын футболдан Ақтау қалалық орта білім беретін мекемелер арасында Маңғыстау облыстық жарысына қалалық іріктеу ойыны өтеді.

25-26 қыркүйек күні «Маңғыстау-Арена» БЖСМ ҚР Тәуелсіздігінің 30 жылдығы қарсаңында қала күніне орай шахматтан дзюдо күресінен 2011-2013 жылы туған жасөспірімдер арасында қалалық турнир өтеді.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.