Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Құрметті маңғыстаулықтар!
Барша мұсылман қауымының ұлық мейрамы Құрбан айт мерекесiмен шын жүректен құттықтаймын!
Ізгілік пен мейірімді, қайырым мен қанағатты арттырып, ізгі амалды тоғыстыратын мерейлі мерекені ауызбіршілікпен өткізу дәстүрге айналған.
Алайда, өңірдегі эпидемиологиялық жағдайға байланысты көптеген игі шараларлардан бас тартып, кейбірі кейінге шегеріліп жатқаны баршаңызға белгілі. Өкінішке қарай, қасиетті Құрбан айт күні ағайынды аралап, айттауға мүмкіндік болмай тұр. Індеттің ілмегінен сақ болу үшін әркім өз отбасында ғана болуға шақырамын.
Құрбан шалып, ізгі амал жасаймын деген азаматтарымызға Қазақстан Мұсылмандары Діни басқармасы қашықтан құрбан шалу жобасын ұсынып отыр. Ұлы ғибадатқа ниет еткен кез-келген азамат qurban2021.kz сайты арқылы онлайн тапсырыс беріп, құрбан шалуына болады.
Құрметті жерлестер!
Елдегі қалыптасқан жағдайға байланысты және қабылданған карантиндік шектеулерді ескере отырып, түсіністікпен қабылдауларыңызды сұраймын. Біз бойымызға сіңген ауызбіршілігіміз арқылы көптеген қиындықтарды бірігіп еңсеріп келеміз. Әрқашан бірлікте болсақ бұл ауыртпалықтан өтіп, жарқын күндеріміз жалғасын табады деп сенемін.
Алла разылығы үшін шалған құрбандығымызды Жаратқан қабыл еткей!
Қасиетті Құрбан айтта әр шаңырақ қуанышқа бөленіп, молшылыққа, бақытқа кенелсін. Бірінші байлық - денсаулық. Дені сау ұрпақ - ел байлығы. Халқымыз ауырмасын.
Маңғыстау облысының әкімі С. Трұмов
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.