Әскери-теңіз күштері матростармен толықты

Әскери-теңіз күштерінің құрамалары мен бөлімдері жас сарбаздармен толықты. Бір айға созылатын жас жауынгер курсынан кейін матростар ант қабылдайды, деп хабарлайды mangystaumedia.kz.

Жас сарбаздарды әскери-теңіз базасының командирі мен оркестрі салтанатты түрде күтіп алды. Кейін олар әскери бөлімнің әкімшілігімен танысты.

Әскери-теңіз күштері Каспий теңізінің қазақстандық секторында мемлекеттік шекараны, порттық аймақты, сулы аудандарды қорғауды және күзетуді жүзеге асырады. Оның құрамында əртекті кемелер, дивизион, гидрографиялық қызмет пен қамтамасыз ету батальоны кіреді, - деп атап өтті әскери-теңіз базасының командирі 2-дәрежелі капитан Данияр Хайрушев.

Батыс Қазақстан облысынан келген 40-тан астам сарбаз Отан алдындағы борышын әскери-теңіз күштерінің қатарында өтейтініне қуанышты.

Отан алдындағы борышты өтеу әрбір ер азаматтың міндеті. Сондықтан әскери міндетті абыроймен орындау үлкен жауапкершілік. Әскери борышымды қарт Каспийдің жағасында, әскери-теңіз күштерінде атқаратыныма қуаныштымын, - дейді матрос Ақниет Жангелдин.

Теңізшілер Отан алдындағы қасиетті борышын абыроймен атқаруға әрқашан дайын.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.