Маңғыстауда соңғы бір аптада коронавирус жұқтырғандар тіркелген жоқ

Бұл туралы қоғамдық коммуникация орталығында өткен брифингте Маңғыстау облысының тауарлар мен көрсетілетін қызметтердің сапасы мен қауіпсіздігін бақылау департаментінің басшысы Ғазиз Надуев айтты.

«Соңғы 7 күнде короновируспен ауырғандар тіркелген жоқ. 27 наурыз бен 7 қыркүйек аралығында 3 334 «COVID-19» вирусын жұқтырған. Оның ішінде 1 140 шағымы бар, 2 194 шағымсыз науқас анықталып отыр. Облыста барлығы коронавирустың шағымы бар түрін жұқтырған 1 140 науқас тіркелді, оның ішінде Ақтау қаласы – 467, Жаңаөзен - 157, Түпқараған -38, Қарақия – 74, Маңғыстау – 41, Мұнайлы – 165, Бейнеу – 198 болды», деді Ғ.Надуев.

Оныңммәліметінше, облыста вирус жұқтырғандардың ішінде 74-і медицина қызметкерлері.

«Инфекция жұқтырғандардың ішінде медицина қызметкерлері - 74, мүгедектер - 9, жұмыссыздар - 283, оқушылар - 42, ұйымдаспаған балалар - 33, зейнеткерлер - 261, әскери бөлімдерден - 18, кенорындағы тамақтандыру Каспиан Фуд мекемесінен – 9, әскерге шақырылғандардан -4, ТеңізшеврОйл қызметкерлері - 35, өндірістік мекемеде -129, мемлекеттік қызметкерлер – 24, студенттер - 21, тағы басқалар - 165, бала-бақша қызметкерлері мен мұғалімдер - 23, ішкі істер қызметкерлері - 10», - деді ол.

Бүгінде облыста ПТР тәсілімен тест алатын барлығы 5 мемлекеттік және жекеменшік зертхана бар. Онда бүгінге дейін 107 581 адам тексеріліп, оның 3 334 оң нәтиже берді. Аймақтағы ұлттық сараптама орталығында бүгінгі таңда 9 811 тест сынамасы бар.

17-ші тамыздан бастап кезең кезеңімен нысандардың ашылуына байланысты бүгінгі таңда 5 020 нысан жұмысын қайта бастады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.