Маңғыстау облысында тағы 11 адамнан COVID-19 анықталды

Маңғыстау облысында коронавирус инфекциясын жұқтырған тағы 11 адам тіркелді. Ақтау қаласында - 4, Жаңаөзен қаласында -1, Бейнеу ауданында - 5, Мұнайлы ауданында – 1, деп хабарлайды МО ҚКО.

Он бір науқастың біреуі "Теңіз Шевройл" мекемесінен келген, үшеуі індетті жұқтырған адамдармен байланыста болған. Ал, 7 адамда вирус дәрігерге қаралуға барған кезде анықталған. COVID-19 жұқтырған 11 адамның барлығы ересек. 11 науқастың барлығында да коронавирус инфекциясының белгілері нақты білінген.

Қазіргі таңда бекітілген хаттамаға сәйкес тиісті ем жүргізілуде. Науқастармен қарым-қатынаста болған адамдар анықталып, барлығы медициналық бақылауға алынды. Ауру ошақтарында дезинфекциялық жұмыстар жүргізілуде.

05.06.2020 ж. жағдай бойынша өңірде барлығы 319 адамнан COVID-19 вирусы анықталды:

Ақтауда – 77;

Жаңаөзенде – 31;

Маңғыстау ауданында – 14;

Мұнайлы ауданында – 18;

Қарақия ауданы – 47;

Бейнеу ауданында - 125;

Түпқараған ауданында – 7;

Жазылып шыққаны – 161;

Қайтыс болғаны – 1.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.