Карантин: Жаңаөзендегі көпқабатты тұрғын үйдің подъезі ашылды

Бүгін Жаңаөзен қаласында он төрт күндік карантинде болған көпқабатты тұрғын үйдің подъезді ашылды, - деп хабарлайды mangystaumedia.kz сайты.

Естеріңізде болса, 15-16 сәуір күндері «Көктем» шағынаудан, 50 үйінің қос тұрғынынан COVID-19 инфекциясы анықталған еді. Сол күні подъездің 50 тұрғынын оқшаулаулаған болатын. Оқшаулауға алынған пәтер иелерімен кері байланыс орнату мақсатында, Жаңаөзен қалалық тұрғын-үй инспекциясымен ватсап арқылы чат құрылды, тұрғындар осы желі арқылы керек-жарақтарына ұсыныстарын айтып отырды.

Сонымен қатар тұрғындардың арасында көмекке аса мұқтаж жандар анықталып, олар қала активінің қолдауымен азық-түлік жиынтықтарымен қамтамасыз етілді.

Бүгін, 29 сәуір күні пәтер иелері оқшаулаудан шығып, күнделікті өмірге, яғни жұмысқа, азық-түлік дүкендерге баруға, көршілерімен қарым қатынас жасауға мүмкіндік алды. Ал сол үйдің екі тұрғыны қазіргі таңда провизорлық орталықта емделіп жатыр. Жағдайлары бірқалыпты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.