«Жетім ауылға қоғамдық көлік керек»

Amanat партиясының депутаттары Мұнайлы ауданындағы Бесшоқы ауылына барып, тұрғындардың базынасың тыңдап қайтты. Тапқан-таянғанын таксиге төлеп шаршаған ауыл тұрғындары қоғамдық көлік мәселесін шешіп беруді сұрайды, деп хабарлайды mangystaumedia.kz.

Тұрғындар жұмысқа, оқуға қатынау үшін таксиден таксиге мініп, біраз уақытын жолда өткізуге мәжбүр. Қыста тіпті такси де табылмай жұмыстан кешігеді екен.

- Оқу басталуға санаулы күн қалды. Бесшоқы ауылының өзінен қатынайтын студент көп. Баяндының өз автобусы, Маңғыстау ауылының өз автобусы бар. Ортада біз жетім қалдық. Бұл аяқсыз қалмау керек, -дейді ауыл тұрғындары.

Осы ауылдан сайланған Мұнайлы аудандық мәслихат депутаты Сайран Көшкінбаев мәселенің шешілуі жолында облыстық жолаушылар көлігі және автомобиль жолдары басқармасының басшысы Адайбек Калиевке депутаттық сауалын жолдап, ауыл мәселесін жеткізіпті.

Amanat партиясы мәселені бақылауға алатынын мәлімдеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.