Түркістаннан Әбу-Дабиге 20 000 теңгемен баруға болады

Түркістаннан Абу-Дабиге жаңа әуе рейсі ашылды, деп хабарлайды mangystaumedia.kz Kazinform-ға сілтеме жасап.

Бағасы қолжетімді билеттер 2023 жылдың қараша айынан бастап wizzair.com сайты мен мобильді қосымшасында сатылымға шыққан. Бағасы – 19 мың теңге шамасында. Бұл БАӘ-нің 159 дирхамына тең.
Ұшақ Түркістан қаласынан Әбу-Дабиге 16 қаңтардан бастап ұшады. Рейстер аптасына 3 рет — сейсенбі, бейсенбі, сенбі күндері заманауи «AirBus 321» және «A321 ceo» ұшақтары арқылы орындалады. Түркістан әуежайының мамандары ұсынған мәліметке сүйенсек, қазіргі кезде бірінші рейске 168 әуе билеті сатылған.

Жолаушылар рейсті ұшу уақытынан 3 сағат бұрын ешқандай комиссиясыз өзгерте алады. Аталған бағытта ұшу уақыты — 3 сағат.

Жаңа бағыт қос қала тұрғындары мен қонақтары үшін туристік мүмкіндіктерді кеңейтеді.

Айта кетейік, қазіргі таңда Түркістан халықаралық әуежайы Ыстамбұл және Эль-Кувейт және еліміздің Астана, Алматы, Ақтау, Ақтөбе, Орал және Қарағанды әуе бағыттарына қызмет көрсетіп келеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.