Келер жылдан бастап кәмелеттік жасқа толмаған балалардың құжатына саусақ іздері қойылады

Қазақстан азаматтарының жеке куәліктеріне 2024 жылғы 1 қаңтардан бастап саусақ іздері қойылады, деп хабарлайды mangystaumedia.kz.

Бұл туралы НҚА эталондық бақылау банкінің сайтында бұйрық жарияланып, 2023 жылдың 30 маусымында қабылданғаны туралы дерек пайда болды.

Енді Қазақстан азаматының паспортына, жеке куәлігіне, шетелдіктің ҚР-да тұруға ықтиярхатына, азаматтығы жоқ адамның куәлігіне және жол жүру құжатына байланысты рәсімдік ережелер (беру, ауыстыру және т.б.) қамтылған.

Бұйрыққа сәйкес, құжаттарда тегі, аты, әкесінің аты ( бар болса), туған күні мен жері, жынысы, ұлттық тиесілігі – иесінің қалауы бойынша осы Қағидалардың 2-тармағының 3), 4) тармақшаларында көрсетілген жеке басын куәландыратын құжаттарда; азаматтығы, фотосуреті, құжатты берген органның атауы, құжаттың берілген күні, нөмірі, қолданылу мерзімі, құжаттар иесінің қолы, жеке сәйкестендіру нөмірі (ЖСН), 16 жасқа толған және одан да жоғары, сондай-ақ "Саусақ ізі және геномдық тіркеу туралы" Қазақстан Республикасының Заңында белгіленген жағдайларда 12 жастан 16 жасқа дейінгі құжат иесінің саусақ іздері болуы қажеттігі туралы жазылған.

Сондай-ақ құжатта жеке басын куәландыратын құжатты беру кезінде саусақ ізін алу процедурасы да қарастырылғаны айтылған. Ол "Халықты құжаттандыру және тіркеу" тіркеу пункті" ақпараттық жүйесі арқылы немесе уәкілетті орган қызметкерінің бланк нысанында жүзеге асырылады.

"Ашық НҚА" порталында жарияланған ІІМ-нің тағы бір бұйрығының жобасында құжаттың иесі туралы графикалық және мәтіндік ақпарат, оның ішінде оның саусақ іздері жады сыйымдылығы кемінде 64 Кб болатын микросхемада сақталады деп жазылған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.