Қазақстанда жұмыссыз қалғаны үшін төленетін төлемақы көлемі өсті

Елімізде 1 қаңтардан бастап бала күтімі үшін төлемақы төлеу мерзімі 1 жылдан 1,5 жылға дейін ұзартылған еді. Бұдан бөлек әлеуметтік сақтандыру жүйесіне қатысушыларға жұмыссыз қалғаны үшін төленетін төлемақы орташа айлық табысының 45 пайызына дейін көбейтілмек. Бұл туралы mangystaumedia.kz сайты 31 арнаның “Информбюро” бағдарламасына сілтеме жасап хабарлайды.

Қолданыстағы заңнамаға сәйкес жұмыстан босатылып және жұмыссыз ретінде тіркелгендер 1 айдан 6 айға дейін әлеуметтік көмек алуға құқылы. Бұл төлем жоғалған табысының 45%-ына дейінгі мөлшерде міндетті әлеуметтік сақтандыру қорының қаражаты есебінен беріледі. Бірақ жәрдемақының ең төменгі мөлшері бала күтімі жөніндегі ай сайынғы мемлекеттік төлемнен кем болмауға тиіс.

Ал ең жоғарғысы республикалық бюджет туралы заңда белгіленген ең төменгі жалақының жеті еселенген мөлшерінің 40%, демек, 196 000 теңгеден аспауы керек. Жұмыс істемейтін ата-аналарға да бала күтімі бойынша көмек қаржы қарастырылған. Ол бір жасқа дейін үлестіріледі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.