Елімізде вейп пен лудоманияға байланысты мектеп бағдарламасына өзгеріс енгізіледі

Мектеп бағдарламасына нашақорлықтың, вейптің және лудоманияның алдын алу тақырыптары кіреді. Бұл туралы Оқу-ағату вице-министрі Еділ Оспан мәлімдеді, деп хабарлайды mangystaumedia.kz zakon.kz сайтына сілтеме жасай отырып.

Оның айтуынша, бұл бағытта Министрлік мүдделі мемлекеттік органдармен бірлесіп бірнеше жол карталары мен жоспарларын әзірлеп, іске асыруда. Атап айтқанда, білім беру бағдарламаларына балалардың денсаулығы мен дамуына зиянды әдеттерден қорғау тақырыптарын енгізу жоспарланып отыр:

адам дамуы үшін темекі шегу мен есірткінің зияны тақырыбы "Биология" пәнінің мазмұнына енгізілді (7-9 сыныптар);

салауатты өмір салты тақырыбындағы кездесулер "Дүниетану" (1-4 сыныптар) және "жаратылыстану" (1-6 сыныптар) пәндерінің мазмұнына енгізілді.

"Білім алушылар арасында түсіндіру-ақпараттық жұмыс полиция қызметкерлері мен медицина қызметкерлерімен бірге жүргізіледі. Бұл жұмысқа 90 мың маман, 8 мыңнан астам педагог-психолог және 4 мың әлеуметтік педагог тартылды", - деді вице-министр Еділ Оспан.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.