Екібастұз МАЭС-2 жаңғырту кезінде млрд теңге жымқырылған

Павлодар облысының прокуратурасы Екібастұз МАЭС-2» АҚ-ны тексеру барысында қомақты қаражат ұрланғанын анықтады, деп хабарлайды mangystaumedia.kz сайты Ulysmedia.kz-ке сілтеме жасап.

Прокурорлар «Екібастұз МАЭС-2» АҚ-ны тексеру барысында 3-ші энергоблокты орнатумен жылу электр станциясын кеңейтуге және реконструкциялауға арналған қаражатты ысырап ету фактілерін анықтаған.

– Расталмаған жұмыстардың көлемі шамамен 1 млрд теңгені құрады, – делінген хабарламада.

Қылмыстық кодексінің 189-бабы (аса ірі мөлшерде мүлікті жымқыру) бойынша сотқа дейінгі тергеп-тексеру шеңберінде қылмыстың барлық мән-жайларын, залалдың түпкілікті сомасын және оған қатысы бар адамдар тобын анықтауға бағытталған тергеу шаралары жүргізіліп жатыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.