Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Әлеуметтік желілерде өтемақы төлеу туралы ақпарат тағы да тарады. Енді алаяқтар Қазақстан Республикасы Ұлттық қорының атынан әрекет етіп жатыр, деп хабарлайды mangystaumedia.kz.
Stopfake.kz бұл жарияланымдардың барлығының фейк екенін мәлімдеп, оған сенудің қажеті жоқтығын атады.
Жарнамадағы сілтеме ҚР Ұлттық қорының жалған сайтына апарады. Онда 2020-2029 жылдарға арналған азаматтарға өтемақы төлеу жобасы туралы жаңалық жарияланған. Олар салық аударымдарына, жұмыс өтіліне, өткен жылдағы сатып алу қабілетіне және шығындарға негізделген. Өтемақы мөлшерін тексеру үшін пайдаланушы өзінің ЖСН-ін теруге тиіс.
«Жалған сайттарда жеке ақпаратты қалдырмаған жөн. Алаяқтар оны өз пайдасына пайдаланады. ҚР Ұлттық қорының ресми сайты жоқ. Төлемдер бойынша барлық ақпарат ҚР Үкіметі мен ҚР Ұлттық банкінің порталдарында жарияланады. Ресми ақпарат көздерінде 2020-2029 жылдарға арналған азаматтарға өтемақы төлеу жобасы туралы хабарланған жоқ», - деп жазылған ақпаратта.
Соңғы кездері мемлекеттік органдардың атынан мұндай хабарландырулар танымал әлеуметтік желілерде жиі жарияланып келеді. Осы орайда аталған сайт олардың барлығының жалған екенін ескерткен болатын.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.