Аида Балаева паранджа мен никаб киюге қатысты қандай шектеу қойылатынын атады

Еліміздің мәдениет және ақпарат министрі Аида Балаева қоғамдық орындарда паранджа мен никаб киюге қатысты тыйым шаралары қабылданатын мәлімдеді, деп хабарлайды mangystaumedia.kz El.kz ақпарат агенттігіне сілтеме жасап.

Астада орталық коммуникациялар қызметінде өткен брифингте министр алдағы жылы қоғаммен ақылдасу үшін талқылау болатынын жеткізді.

«Дін мен мемлекет бөлек. Әр адамның діни сезімін құрметтеуіміз керек. Сол тұрғыда әрбір шешім жан-жақты қоғаммен талқыланып, зерделеніп, содан кейін қабылданады. Бір күнде өзгертіп тастау оңай. Ертең қандай шу болатынын, адамдар наразылығын білдіретінін ескеруіміз керек. Депутаттардың да нақты сауалдары болады. Біз, біріншіден, дін саласындағы тұжырымдамамызды анықтап алдық. Бүгінде не өзекті, қандай мәселелер нақты керек деген?! Ал енді қауіпсіздік тұрғысында міндетті түрде паранджа, никабқа қатысты ұстанымнан кеткен жоқпыз. Оны заңды тұрғыда қарау мәселесі, оның салдары бойынша қазір зерттеу жұмыстары жүргізіліп жатыр. Тағы да айтамын, ол тек қана біздің министрліктің құзыретінде емес. Қоғаммен ақылдасып жасалатын іс-шара. Сондықтан талқылаулар міндетті түрде ендігі жылы болады, - деді Аида Балаева.

Сондай-ақ, министр елімізде діни экстремизм мен терроризмді насихаттайтын 14 мыңнан астам заңсыз материалдар жойылғанын мәлімдеді. Бұдан бөлек, әлеуметтік желілердегі радикалды діни топтардан 20 мыңнан астам адам алшақтатылғанын атап өтті.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.