Қылмыстық-атқару жүйесі комитетінің төрағасы тағайындалды
[ 2019 ] 4 сәуір, 07:39 | Қазақстан жаңалықтары
ҚР ІІМ Қылмыстық-атқару жүйесі комитетінің төрағасы лауазымына Дархан Қанатбеков тағайындалды, - деп хабарлайды mangystaumedia.kz сайты ҚазАқпаратқа сілтеме жасап.
«ҚР Ішкі істер министрінің бұйрығымен ІІМ Қылмыстық-атқару жүйесі комитетінің төрағасы лауазымына әділет полковнигі Дархан Тұрсынұлы Қанатбеков тағайындалды. ҚАЖК-нің жаңа төрағасын жеке құрамға ҚР Ішкі істер министрі Ерлан Тұрғымбаев таныстырды», - деді ҚР Ішкі істер министрінің кеңесшісі - ресми өкіл Нұрділдә Ораз.
Оның атап өтуінше, Ерлан Тұрғымбаев комитет қызметкерлеріне ішкі істер органдарын және қылмыстық-атқару жүйесін жаңғырту бойынша негізгі іс-шаралар туралы айтып, ел Президентінің ІІМ-нің алдына қойған жаңа тапсырмаларына тоқталды.
Д.Қанатбеков қылмыстық артқару жүйесі органдарында 2001 жылдың қазан айынан бастап қызмет атқарады. Жұмыс тәжірибесі, оның ішінде басшылық қызметтегі іс-тәжірибесі мол. Ол қылмыстық-атқару жүйесі мекемелерінде бөлім бастығы, бастықтың орынбасары, Қарағанды облысы бойынша қылмыстық-атқару жүйесі департаменті бастығының орынбасары, департамент бастығы болып қызмет етті. Қазақстан Республикасы ІІМ Қылмыстық-атқару жүйесі комитеті төрағасының орынбасары лауазымын атқарды.
Бұған дейін ІІМ Қылмыстық-атқару жүйесі комитеті төрағасы лауазымын атқарған Азамат Базылбеков қызметінен босатылды.
1040
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
