Динара Сәдуақасова FIDE спортшыларының комиссиясын басқарады

Халықаралық шахмат федерациясы өз сайтында спортшылар комиссиясының жаңа құрамын жариялады, деп хабарлайды mangystaumedia.kz сайты forbes.kz сайтына сілтеме жасап.

Қазақстандық шахматшы Динара Сәдуақасова осы комиссияны жарты жыл бойы басқаратын алғашқы спортшы болады. Кейін позиция шахматшылар Чжу Вэньцзюнь мен Ахмед Адлиге ауысады.

Бұл тізім үш жылда бір рет Дүниежүзілік шахмат федерациясының президенттік кеңесінде бекітіледі. Әдетте, комиссия құрамына өз елінде зияткерлік ойынның мәдениеті мен танымалдығын арттыруға қомақты үлес қосқан шахмат спортының көрнекті қайраткерлері кіреді.

- Комиссияның негізгі мақсаттарының бірі - шахматшылардың мүдделерін, құқықтарын қорғау және ілгерілету, олардың тәжірибесін пайдалану мүмкіндігі. Спортшылардың негізгі шешімдер қабылдау процесіне қатысуы өте жақсы. Атлеттер мен FIDE (Халықаралық Шахмат Федерациясы) арасындағы өзара ынтымақтастық шахматты спорт түрі ретінде жақсартуға көмектеседі деп ойлаймын. Сенім білдіргеніңіз үшін рахмет, - деп атап өтті Динара.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.