Жастарды мәдени және спорттық іс-шараларға тарту жөніндегі меморандумға қол қойылды

Қоғамдық даму орталығының директоры Дәулет Сағынтаевтың айтуынша, қалалық пробация қызметімен үшінші жыл серіктес болмақ. Құжат аясында екі ұйым 30-ға жуық жас мәдени іс-шаралар мен спорттық жарыстарға тартылған.

— Былтыр қамтылған жастар үкіметтік емес ұйымдар, қала еріктілері және “Интелект” оқу орнының арасында өткен қалалық зияткерлік сайыста үшінші орын алды. Сондай-ақ біздің орталық оларды мұражайлар мен тәрбиелік фильмдерге апардық, Zhas project жобасына қатыстырдық, алайда жастарымыз грант ұта алмады.

Кездесу соңында Д.Сағынтаев жиналған қауымды серіктестік барысында өтетін шаралармен таныстырды.

— Биылғы жоспарымыз әлі бекітілмеді. Дегенмен мәдени және спорттық іс-шаралардан басқа ағылшын тіл курсы, тайм менеджмент және кәсіпкерлікті жүргізу бойынша тренигтер, психологтармен кездесу ұйымдастыратын боламыз, — дейді қалалық қоғамдық даму орталығының директоры.

Арай Жауперова

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.