Ұлы Отан соғысының ардагері өмірден өтті

Ұлы Отан соғысының ардагері, бірінші дәрежелі «Отан соғысы» орденінің иегері Тілембай Телбайұлы 98 жасқа қараған шағында өмірден өтті.

Т.Телбайұлы 1922 жылы Бозашының «Ащыорпа» жерінде дүниеге келген.

Ұлы Отан соғысы басталғаннан кейін майданға шақырылып, Чкалов қаласының Бузулук деген жерінде әскери дайындықтан өтеді. №193 атқыштар дивизиясының 57-полкінің жауынгері Т.Телбаев майдандағы ерлігі үшін «Отан соғысы» орденімен, бес рет жоғарғы Қолбасшының алғыс хаттарымен марапатталған.

Майдан даласында ауыр жарақаттанған майдангер әскери госпитальде ұзақ емделіп, елге оралған. Елге келген соң да бірнеше жыл колхозда есепші, жанар-жағар май қоймасының меңгерушісі болып абыройлы қызмет атқарды.

Кенжебек Сержанұлы

Суретті түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.