Бұл туралы Түпқараған аудандық әкімдігінің баспасөз қызметі мәлімдеді, - деп хабарлайды mangystaumedia.kz сайты.
«Күл» ауруын жұқтырған болуы мүмкін түйе малдарын тексеру, сынамалар алу мақсатында және жұқпалы аурудың алдын алу бойынша ҚР ветеринариялық бақылау және қадағалау комитетінің төраға орынбасары Тұрсын Қабдулданов және Маңғыстау облысы әкімінің орынбасары Бақытжан Кашақов, «Маңғыстау облысының ветеринария басқармасы» мемлекеттік мекемесінің басшысы Шамғали Хамиев Шамғали, Түпқараған ауданы әкімінің орынбасары Жансейіт Қайнарбаев пен аудандық ауыл шаруашылығы және ветеринария бөлімінің мамандарынан құрылған арнайы топ бірнеше шаруа қожалықтарын аралап, шаруашылық мамандарына түсінік жұмыстарын өткізді.
Ауыл тұрғындары Қыдырхан Қосжановтың «Ерлан» шаруа қожалығына, Керім Алиевтің «Береке-Бірлік» шаруа қожалығы мен Өтенияз Шәмбілов «Несібелі» шаруа қожалығына барып, күдік тудырған түйелерден сынама алу жұмыстары жүрді. Сонымен қатар жеке тұрғындардың бағып отырған түйе малдарына да тексеру жұмыстары жүргізіліп, түйелерден тері ауруы байқалған жағдайда қолданатын ем-шараларды түсіндірді.
Айта кетейік, күдікке ілінген түйелерден алынған сынамалар Ұлттық референттік орталықтың зертханасына жіберілетін болады. Ал арнайы топ Таушық ауылының тұрғындарымен кездесіп, «Таушық» ЖШС-нің ұжымына түсінік жұмыстарын жүргізетін болады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
