"RIFMO-2019" форумы аясында меморандумға қол қойылды

Ақтауда өтіп жатқан "RIFMO-2019" форумында Astana Hub IT-стартаптар халықаралық технопаркі, "Mediana Services limited" ЖШС және "Гранд Қазақстан" Корпоративтік қорымен үш жақты меморандумға қол қойды. Меморандум инновациялық экожүйені және индустриялық-инновациялық жобаларды дамыту ынтымақтастығы туралы болды, - деп хабарлайды mangystaumedia.kz сайты. Жиында Astana Hub халықаралық технопаркінің бас директоры Джозеф Циглер сөз сөйлеп, IT-технологиялардағы заманауи тәсілдер, инвестициялар, сандық шешімдер, сондай-ақ астаналық технопарктің қызметі туралы айтып өтті. Сондай-ақ халықаралық технопарк Ш. Есенов атындағы Каспий мемлекеттік технологиялар және инжиниринг университетімен инвестициялық мәдениетті дамыту және өңір мен индустрия үшін өзекті міндеттерді шешу жөніндегі меморандумға қол қойылды. [gallery td_select_gallery_slide="slide" ids="87802,87803"] Astana Hub баспасөз қызметінің мәліметінше технопарк Маңғыстау облысындағы экожүйенің стартапын қолдау және дамыту бойынша ынтымақтастықты бастайды. RIFMO-2019 форумы алаңында сандық шешімдердің өзекті мәселелері, заманауи жағдайда аймақты дамыту үшін қажетті тәсілдер мен технологиялық тәжірибе туралы диалог құрылатын болады.

Махаббат НҰРЖАНҚЫЗЫ