Маңғыстаулықтар енді «аты-жөні ауысқаны туралы» анықтаманы онлайн түрде ала алады
[ 2019 ] 13 қараша, 13:25 | Жаңалықтар
Бұл туралы «Азаматтарға арналған үкімет» мемлекеттік корпорациясының Маңғыстау облысы бойынша филиалының PR-менеджері Багила Жарланова айтты, - деп хабарлайды mangystaumedia.kz сайты.
Егер сіз тегіңізді не есіміңізді өзгерткен болсаңыз, бұл туралы анықтаманы онлайн түрде egov.kz порталы арқылы қол жеткізе аласыз.
Қызметті онлайн алу үшін нестеу керек?
1) Порталда авторланып, «Қызметті онлайн алу» батырмасына өтіңіз;
2)Өтінімді толтырып, ЭЦҚ-мен қол қойыңыз немесе смс-құпиясөзді пайдаланыңыз;
3)Қажетті төлемді жүргізіңіз;
4) Өңделген анықтаманы жеке кабинетіңізде «Қызметтерді алу тарихы» тарауынан таба аласыз.
Айта кететін жағдай, онлайн қызметті 2008 жылдың 14 сәуірден бастап тегін, атын, әкесінің атын өзгерту туралы жазба актісі жазылған азаматтар ғана ала алады.
Махаббат НҰРЖАНҚЫЗЫ
833
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
