Ақынмен кездесу

Жуырда аудандық жастар ресурстық орталығында Қазақстан Жазушылар одағының мүшесі, балалар жазушысы, сазгер, ақын Көмек Ыбыраевпен кездесу өтті. Жастарды жерлес ақынның шығармашылығымен таныстырып, патриоттық рух беріп, адамгершілік қасиеттерге баулу, ақын өлеңдері арқылы халқына, тілге, Отанға деген сүйіспеншілік сезімдерін оятуды мақсат еткен кеште қызықты әңгімелер өрбіді. Жылы жүзді, дархан жүректі ақынның ғибратты әңгімесінен қатысушылар ерекше әсер алды.

Жерлесімізге шығармашылығы, өмірлік ұстанымдары туралы сұрақтар қойылып, әндері шырқалды. Б.Жұмалиев атындағы орта мектептің оқушылары  Ә.Жеткізгенова «Ақ кеме», А.Сисембаева «Маңғыстау», «Әке өсиеті», Маңғыстау гуманитарлық колледжінің студенті Н.Лесқалиева «Домбыра» өлеңін нақышына келтіріп орындады.

Д.ҚОЗБАҚОВ, аудандық жастар орталығының маманы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.