Ақтауда "көңілді" шардың сатушысына қатысты тергеу басталды
[ 2019 ] 9 сәуір, 05:33 | Жаңалықтар
5 сәуір күні ақтаулық полицейлер ішіне газтәрізді зат толтырылған баллон мен екі қорап шары бар азамат ұсталды. Қазір мамандар баллонның ішіндегі газдың құрамын тексеріп жатыр, - деп хабарлайды mangystaumedia.kz сайты.
«Жедел-іздестіру іс-шарасы кезінде Ақтау қаласындағы шағынаудандардың бірінде өнімін «шарик-кумарик» шартты атауымен сатып жүрген 1995 жылы туған азамат ұсталды. Қазір аталған өнімнің заңдылығы тексеріліп жатыр», - деп мәлімдеді МО Полиция департаментінің баспасөз қызметі.
Мамандар сондай-ақ газ тәрізді өнімнің халықтың денсаулығына әсерін, тәркіленген өнімің санитарлық-эпидемиологиялық заңнама талаптарына, гигиеналық нормативтерге сәйкестігін де анықтайды. Осы мақсатта сараптама тағайындалған.
Қазір ҚР Әкімшілік құқық бұзушылық кодексінің 425 бабы 1 бөлігімен (халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу) әкімшілік құқық бұзушылық белгілері бойынша тексеру басталды.
2389
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
