Каспийде шекара тәртібін бұзған 3 қайық пен 1 теплоход ұсталды
[ 2019 ] 8 сәуір, 05:41 | Жаңалықтар
Шекарашылар Каспий теңізінде шекара тәртібін бұзған 2 шағын және 1 үрлеме қайықты, 1 теплоходты ұстады. Бұл туралы ҚР ҰҚК ШҚ баспасөз қызметі мәлімдеді, - деп хабарлайды mangystaumedia.kz сайты ҚазАқпаратқа сілтеме жасап.
«7-8 сәуір аралығында ҚР ҰҚК Шекара қызметінің «Жағалау күзеті» мен «Батыс» өңірлік басқармасына қарасты шекаралық кеме мен катерлер, шекара жасақтары еліміздің теңіздегі шекарасын күзету барысында шекара тәртібін, аумақтық және ішкі сулар тәртібін бұзғандығы үшін 8 адамды ұстап, «Байда» типтес 2 шағын қайық, 1 резіңке қайық, 1 теплоходты қолға түсірді», - делінген хабарламада.
Теңізден заңсыз құрылған 3 000 шаршы метр ау жиналды. Шекарашылар осылайша бекіре балық мен итбалықты құтқарып қалды.
«Мемлекетке қайтарылған шығын - 10 986 275 теңге. Сонымен бірге 150 мың теңгеден астам айыппұл салынды», - делінген хабарламада.
1448
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
