Қорғаныс министрлігі: Ми-8 тікұшақтарының ұшуы тоқтатылды
[ 2019 ] 28 наурыз, 10:58 | Жаңалықтар
Қазақстан Республикасының Қарулы Күштерінде Ми-8 үлгісіндегі тікұшақтардың ұшулары тоқтатылды. ҚР Қорғаныс министрі генерал-майор Н. Ермекбаевтың тапсырмасы бойынша Ми-8 үлгісіндегі армиялық авиацияны қолдана отырып, арнайы бөлімшелердің «Алтын жебе» кешенді тексерісінің қорытынды кезеңі тоқтатылды. Бұл туралы Қорғаныс министрлігі өзінің
ресми сайтында мәлімдеді, - деп хабарлайды
mangystaumedia.kz сайты.
"Авиациялық апаттың себептері мен бір типті әуе кемелерінде оларды болдырмау жөніндегі алдын алу шараларының кешені өткізілгенге дейін шектеулер енгізілді", - делінген хабарламада.
Айта кетелік, кеше әскери оқу-жаттығу барысында Ақтаудан Шымкент қаласына бағыт алған тікұшақ құлап, әуе кемесінің бортында болған
13 әскери қызметші қаза тапты. Қайтыс болған 13 адамның 12-сі — Ақтаудағы №30153 әскери бөлімінің қызметкерлері.
ҚР Президенті
Қ. Тоқаев, Қазақстан Республикасының Қорғаныс министрі генерал-майор
Н. Ермекбаев және Маңғыстау облысының әкімі қаза болғандардың отбасына көңіл айтты. Сондай-ақ Маңғыстау облысының әкімдігі әскерилердің отбасына 1 миллион теңге көлемінде
материалдық көмек берілетінін хабарлады.
834
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
