Маңғыстауда 339 жасырын хабарламаны тексеруге 43 млн бөлінген
[ 2019 ] 13 наурыз, 06:07 | Жаңалықтар
Соңғы екі жыл ішінде Маңғыстауда жарылғыш зат туралы 5 жалған мәлімет тіркелген. Оның екеуі 2018 жылы болған. Жалған қоңырау шалу көбіне кәмелетке толмаған жасөспірімдер арасында кездеседі. Маңғыстау облыстық Полиция департаменті 14 жасқа толған балалар қылмыстық жауапкершілікке тартылатындығын ескертеді.
Аталған 5 жағдайға қатысты қылмыскерлер ҚР ҚК 273-бабы бойынша (Дайындалып жатқан терроризм актiсi туралы көрiнеу жалған хабарлау) жауапқа тартылған.
Мұндай қылмыс жасағандар 6 жылға бас бостандығынан айырылуы мүмкін. Ал кемелетке толмағандардың жазасын ата-анасы тартады.
Осыған байланысты құзырлы орын өкілдері қоғамдық қауіпсіздікке кері әсер ететін, лаңкестік әрекеттерден сақ болуды, жалған ақпарат таратпауды сұрайды.
Айта кетейік, 2016-2018 жылдар аралығында осындай 339 жасырын хабарламаны тексеруге 43,3 млн теңге бюджет қаржысы жұмсалған (бір барудың құны шамамен 120 мың теңгені құрайды).
730
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
