Дабыл: төтеншеліктер сабыр сақтауды сұрайды
[ 2019 ] 18 ақпан, 05:42 | Жаңалықтар
2019 жылғы ақпанның 26 күні сағат 10:00 бастап Ақтау қаласының жоғарғы және төменгі аймақтарында электр дабылдары іске қосылады. Маңғыстау облыстық төтенше жағдайлар департаменті тұрғындардың сабыр сақтауын сұрайды, - деп хабарлайды mangystaumedia.kz сайты.
Маңғыстау облыстық төтенше жағдайлар департаментінің хабарлауынша, электр дабылдары «Көктем-2019» республикалық командалық-штабтық жаттығуы кезінде қосылады.
Жаттығу 2019 жылғы 26-27 ақпан күндері «2019 жылғы көктемгі су тасқыны кезінде төтенше жағдайларды жою іс-қимылдарына азаматтық қорғау мемлекеттік жүйесінің басқару органдарын, күштері мен құралдарын дайындау» тақырыбында өтеді.
«Көктем-2019» Қазақстан Республикасының ІІМ Төтенше жағдайлар комитетінің басшылығымен ұйымдастырылмақ.
1233
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
