Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Игі шара еліміздің Бас мүфтиі Серікбай қажы Ораз хазреттің Маңғыстауға сапары аясында өтті.
Жиынға қалалар мен аудан әкімдері, облыс әкімдігі жанындағы діни бірлестіктермен байланыс жөніндегі Кеңес мүшелері, мемлекеттік, құқық қорғау органы басшылары, ардагерлер мен мемлекеттік және білім беру ұйымдарының қызметкерлері қатысты.
Басқосуға төрағалық еткен облыс әкімінің орынбасары Мақсат Сқақов облыс тұрғындары атынан Бас мүфтиге алғысын білдірді.
«Өлкеміздің діни ахуалымен танысуға және Мұнайлы ауданы Басқұдық ауылындағы мешіттің ашылуына, сонымен бірге Мемлекет басшысының «Рухани жаңғыру» аясында өткенді тірілтіп, жоғалтқанымызды табу бағытында Маңғыстауға белгілі көрнекті дін қайраткері, дәстүрлі дініміздің діңі берік өкілі Ержан хазрет Төлегенұлының «Иманшарт» және «Өсиетнама» кітаптарының тұсаукесеріне келгеніңізге облыс тұрғындары атынан алғыс білдіріп, 362 әулиелі де қасиетті жерімізге қош келдіңіз деймін», - деді Мақсат Сқақов.
Бұдан соң Бас мүфти салтанатты түрде аталмыш кітаптың тұсауын кесіп, қатысушылардың бір парасына кітаптың алғашқы даналары табысталды.
Төлегенұлы Ержан хазрет 1887 жылы қазіргі Қаражанбас-Қаламқас жерінде – Керелде Орта-Еспе деп аталған ауылдық кеңесте өмірге келген. Маңғыстау ауданы Тұщықұдық елді мекенінде елге белгілі Айдар ишанның мешітінде оқып, діни сауатын ашқан. Молдалық жолды, жастарға тәлім-тірбие, діни білім беру саласын таңдаған. Бұқарадан білім алып келген соң Айдар ишанның мешітіне молда болып орналасып, бала оқытқан.
ТАҒЫ ОҚЫҢЫЗ: Қазақ даласының бір маржаны1966 жылы жасы 79-дан асқан шағында дүниеден озып, денесі Шақпақ ата қорымына жерленген.
Бүгінгі жиынға Ержан хазреттің қызы Несіпхан апай да қатысып, сөз сөйледі.
Айта кетейік, бұған дейін Қазақстан мұсылмандары діни басқармасының төрағасы, Бас мүфти Серікбай қажы Ораз хазрет Мұнайлы ауданы, Басқұдық ауылындағы мешіттің ашылу рәсіміне де қатысты. Жиыннан соң Маңғыстаудың аудандарын да аралап, зиялы қауым өкілдерімен, ауыл ақсақалдарымен кездеспек.
Теңге БЕКМҰРЗАЕВА Суреттерді түсірген Серік МАЙЕМЕРОВ
[gallery td_select_gallery_slide="slide" ids="51008,51006,51005"]
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.