Жас қаламгерлер сайысы өтті

Жуырда «Болашаққа бағдар: рухани жаңғыру» мақаласы аясында Маңғыстау облыстық «Қазақ тілі» қоғамдық бірлестігінің ұйымдастыруымен өткен шығармашылық сайыс Елбасы Н.Назарбаевтың сарабдал саясаты мен тағылымды еңбектерін, қазақ әдебиетінің көрнекті тұлғалары мен олардың теңдесіз туындыларын насихаттауды басты мақсат тұтты. «Қазақ тілінің қолдану аясын кеңейту әрі облыстың түкпір-түкпірінен шығармашылық қабілеті зор, таланты мен талабы мол, дарыны ерек жастарды іріктеп алу мақсатында аталған конкурс ұйымдастырылды. Сайыс аясында жастар ұлы Абайдың, замана заңғары Әбіш Кекілбаевтың, елбасы Н. Назарбаевтың еңбектерінен шығарма жазу бойынша сайысқа түсті.  Бұл конкурстың мемлекеттік тіл мәртебесін көтеруде маңызы зор деп білеміз», - дейді облыстық «Қазақ тілі» қоғамдық бірлестігінің басқарма төрағасы Б. Төлеуғалиев. Облыс деңгейіндегі сайыс төрт номинация бойынша өтіп, өңірдің әр түкіпірінен жас таланттар бәсекеге түсті. Елбасы Н.Назарбаевтың еңбектері бойынша шығарма жазудан Шерхан Тағанов, Гүлнұр Сапарова ынталандыру, Аружан Өтепбергенова 3, Темірхан Сағындықова 2, Сәуле Оңдасынова 1 орынды иеленіп, бағалы сыйлықтарға ие болды. Ал А.Құнанбаевтың шығармашылығын талдау, терең зерттеу, зерделеу бойынша өткен байқауда Ұлмира Жиделі, Ақсұңқар Елмұхаммедова ынтыландыру сыйлығына қол жеткізді. Айгерім Ізмағамбет 3, Махаббат Қойшыбаева 2, ал Динара Сайлаубаева 1-орынды жеңіп алды. Ә.Кекілбаевтың еңбектерімен танысу, жан-жақты талқылау, көркемдік-тағылымдық мазмұнына талдау жасау бойынша Альбина Жаңалықова, Шұғыла Алдабергенова  ынталандыру сыйлығының, Маржан Бектұрова 3, Роза Рейімбаева 2, Жайна Бабасқызы 1-орын иегері атанып, мәре-сәре болысты. Ал қазақтың әдет-ғұрып, салт-дәстүрін насихаттау, қазіргі қоғам өміріндегі мәні мен маңызын саралау, ұлттық ерекшеліктер мен табиғи болмыс-бітімін терең зерттеу бойынша өткен сайыста Ақниет Әмір, Айман Аманжолова ынталандыру сыйлығын, Гаухар Сұлтанова 3, Марал Мақсатова 2-орынды иемденді. Аталған сайыс бойынша бас жүлде Нәзина Өзбекбайға бұйырды. Конкурс жеңімпаздарын қазылар алқасының төрағасы, филология ғылымының кандидаты Әділет Қабылов арнайы Алғыс хаттармен марапаттап, бағалы сыйлықтарды табыстады. Салтанатты марапаттау рәсімі мерейлі ән-шашуға ұласты. Сахна төрінде жеңімпаздар құрметіне арнайы Роза Айдарбаева, Фариза Ретбайқызы, Марат Сафаров, Айнұр Омарова, Сәбит Шектібаев сынды эстрада жұлдыздары өнер көрсетті. Толассыз қошеметке бөленген өнерпаздар мен жеңімпаздар, сондай-ақ конкурс ұйымдастырушылары естелік суретке түсті.

Голрох ЖЕМЕНЕЙ

Суреттерді түсірген Талант ҚҰСАЙЫН

[gallery td_select_gallery_slide="slide" ids="41101,41100,41099,41098,41096,41094,41095"]