Астана күніне үлес қосты

Астанам – бағы биік асқарымсың, Астанам – мәңгі жарық аспанымсың. Астанам – пейіш қала, ел арманы, Астанам – қайда жүрсем мақтанышым!-деп әндеткен мүмкіндігі шектеулі балалар да Астана күніне өз үлестерін қосып, мерекелік шараға қатысты.

«Кралл» кафесінде Қабиболла Сыдиықов атындағы Маңғыстау облыстық кітапханасының өнер бөлімінің қызметкерлерінің ұйымдастыруымен облыстық «Саған сенемін» мүгедек балаларды оңалту қоғамдық қоры және қалалық «Ән салу» үйірмесінің ұйтқы болуымен «Балауса ән» балалар әндеріне арналған эстрадалық орындаушылар байқауы өтті.

Байқау қорытындысында қазылар алқасының шешімі бойынша І орынға – Әсемай Ерниязова, ІІ орынға – Әйгерім Қадырәлі мен Ақылым Темірғали, ІІІ орынға – Қалима Көшбай, Сәукеле Қонақбаева, Гүлназ Ерниязовалар ие болды.

Мерекелік шараға қатысқан басқа балалардың бәріне де ынталандыру сыйлықтары берілді.

 «Астана – ұлтымыздың рухани ордасы» атты кітап көрмесін ұйымдастырып, Астана туралы кітаптарды таныстырды.

Үміт ЖӘЛЕКЕ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.