Астана күніне арналады

6-шілде Астана күніне орай Орталық балалар кітапханасында «Еліміздің жүрегі-Астана» атты тақырыпта танымдық ойын өткізілді. Ұрпақты ұлтжандылыққа тәрбиелеу, Елбасының ұстанымдық саясатын балаларға үлгі ету, Астана, ЭКСПО-2017 көрмесі туралы мәлімет беру мақсатында ұйымдастырылған шараға «Жас талап» аула клубының оқушылары қатысты.

Балаларға танымдық ойын ретінде сұрақтар жазылған карточкалар таратылып, Елорда, бүкіләлемдік көрме жайында білімдерін арттырды. Одан соң оқушылар «Еліміздің жүрегі-Астана» атты кітап көрмесімен танысты. Оқушылар Астананың көрікті жерлерінің суреттері жасырылған таблоларды ашып, жауабын тауып, сол жер туралы әңгімелеп берді.

№2 бөлімше Теңге ауылдық кітапханасында «Еңсесі биік Елорда» атты кітап көрмесі ұйымдастырылды. Көрмеге 32 кітап қойылды. «Астана – алтын көмбе» атты папка жасақталып, мерзімді баспасөз шығармалары қойылды. Көрме кітапханаға келген оқырмандарға таныстырылды.

Ал, №3 кітапхана бөлімшесі ұйымдастырған «Елорда – руханият ордасы» көрмесі келесі рубрикалардан жасақталды: «Астана – тарихтың жаңа мәтіні», «Астана – Қазақстан жаңаруының жарқын белгісі, «Ажары айшықты Астана». Осы рубрикалар бойынша жүйелі түрде көрмеде еліміздің бас қаласы Астананың түпкі тарихынан бастап қазіргі келбетін аша түсетін мерзімді басылымдар беттерінде жарық көрген мақалалар, кітаптар, фотосуреттер, өлең шумақтары қойылды.

Астана күніне орай №7 кітапхана бөлімшесі «Астана – Отанымыздың жүрегі» тақырыбында кітап көрмесін өткізіп, Астана қаласының тарихы мен қазіргі таңдағы тынысы, «ЭКСПО – 2017» көрмесі туралы деректі мәліметтер мен жаңадан жарық көрген кітаптар, қаланың келбеті бейнелеген фотоальбомдар оқырмандар назарына ұсынылды.

Орталық қалалық кітапхананың оқу залында «Астанам! Ару қалам, асқақ ордам» атты ашық кітап көрмесі ұйымдастырылды. Оқырмандар назарына Елорданың өткені мен бүгінінен сыр шертетін құнды деректерге толы еңбектер ұсынылды. Сондай-ақ, бүкіләлемдік Астана «ЭКСПО - 2017» көрмесін жоғары деңгейде ұйымдастыру бүкіл әлемге энергетика саласында үздік идеялар мен тәжірибелерді жинайтын, ғылым мен техниканың ең озық нәтижелерін ұсынатын орталыққа айналағаны туралы кітаптар қойылды.

Гүлжан Смадиярова Жаңаөзен калалық орталық кітапхана әдіскері

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.