Кешенді аттестаттау – кәсіби мемлекеттік аппарат негізі

Өңірде «Б» корпусындағы мемлекеттік әкімшілік қызметшілердің кәсіби дайындығы мен атқаратын лауазымына сәйкестігін анықтау мақсатында кешенді аттестаттау өтуде. Қазіргі таңда облыс бойынша жергілікті атқару органдарында 1347 мемлекеттік қызметкерлер қызмет етеді. Жоспарға сай 751 қызметші кешенді аттестаттаудан өткізуге жатқызылады.

Қазіргі таңда күніне 50-ге жуық «Б» копусындағы мемлекеттік қызметшілер кешенді аттестаттаудың соңғы кезеңі - әңгімелесуден өтуде.  Әңгімелесу санаты бойынша атқара­тын лауазымына байланысты үш түрлі деңгейде өткізіледі. Алғашқы деңгейде, Президент Әкімшілігі жа­нын­дағы Жоғары аттестаттау комис­сиясынан орталық мемлекеттік орган­дардың облыстағы аумақтық бөлім­шелерінің және олардың ведомство­ларының басшылары, облыстық басқарма басшылары, сонымен бірге, осы санаттағы «Б» корпусының өзге де қызметкерлері өтеді. Екінші деңгейде, министрліктер мен облыстық әкімдіктердегі аттестат­тау комиссияларынан сәйкесін­ше сол саладағы мекеме қызметкерлері өтеді. Үшінші деңгейде – аудандардағы аттестаттау комиссиялары. Бұл дең­гей­де аудандық және ауылдық дең­гей­дегі мемлекеттік қызметшілер баға­ланатын болады.

«ҚР Президенті  жанындағы Жоғары кешенді аттестаттау комисиясынан Маңғыстау облысы бойынша 24 әкімшілік мемлекеттік қызметші өтті. Ал жергілікті комиссия алдында 360 мемлекеттік қызметші  сынақ тапсырады. Аудандық және қалалық кезеңнен 362 қызметкер өтеді деп жоспарланған»,-дейді комиссия мүшесі Динара Жұмашева.

Кешенді аттестаттаудан зейнеткерлік жасқа толуына екі жылдан кем уақыт қалған, жүктілік пен босануға байланысты демалыстағы және бала күтіміне байланысты демалыстағы, «А» корпусының мемлекеттік әкімшілік қызметінің кадр резервінде тұрған «Б» корпусының қызметшілері, жалғызбасты аналар мен әкелер және бірқатар мамандар босатылады.

Үш кезеңнен тұратын кешенді аттестаттау бойынша Комиссия  шешімі мынадай болуы мүмкін:

1) атқаратын лауазымына сай келеді және лауазымын жоға­рылатуға ұсынылады; 2) атқаратын лауазы­мына сай емес; 3) атқаратын мемлекеттік лауазымына сай келмейді және лауазымын төмендетуге ұсынылады; 4) атқаратын мем­лекеттік лауазымына сай келмейді және қызметтен босату ұсынылады.

Голрох Жеменей