Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
©
Екі күнге жалғасқан семинар БҰҰ даму бағдарламасы мен облыс әкімі жанындағы әйелдер істері және отбасылық-демографиялық саясат жөніндегі ұлттық комиссиясының ұйымдастыруымен өтті. Оған облыстық, қалалық, аудандық БАҚ өкілдері қатысты. Семинар-тренингті Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның Сарапшылар кеңесінің хатшысы, филология ғылымдарының кандидаты, Қазақстан Жазушылар одағының мүшесі, журналист Камал Әлпейісова жүргізді.
Қатысушылар гендерлік саясат жайында егжей-тегжейлі мағлұмат алып, білімін молайтып, тәжірибе алмасты. Әйел мен ер адамға қатысты жағымды және жағымсыз сипаттағы мақал-мәтелдер айтудан жарысып, гендерлік сезімталдықты көрсететін әртүрлі тақырыптағы сахналық көріністер қойды. Күнделікті өмірдегі гендерлік стереотиптер жөнінде сөз қозғалды. Журналистер гендерлік ілім бойынша көкейіндегі сауалдарын қойып, ой-пікірлерін ортаға салды.
Семинар-тренинг соңында журналистерге сертификаттар табысталды. Барлық қатысушылар шара ұйымдастырушыларына ризашылығын білдіріп, жаңа біліммен, жаңа әсермен тарасты.
Ханым ҚУАТ Суреттерді түсірген Ақерке Гагаринқызы
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.