Бүгін облыс әкімдігінде Маңғыстау облысы әкімінің орынбасары Б.Орынбасаровтың төрағалығымен әлеуметтік маңызы бар азық-түлік тауарларына бағаларды төмендету және тежеу туралы меморандумды ұзарту және комплаенс тапсыру бойынша өңірдің ірі сауда желілерімен кездесу өтті, деп хабарлайды mangystaumedia.kz.
Кездесуге Маңғыстау облысының бәсекелестікті қорғау және дамыту департаментінің басшысы және өңірдің ірі сауда желілерінің директорлары (Дина, Анвар, Алтын Фуд, Дана, Лидер) қатысты.
Естеріңізге сала кетейік, ірі сауда желілерімен әлеуметтік маңызы бар азық-түлік тауарларының бағасын төмендету және ұстап тұру туралы меморандум биыл наурыздан бастап күшіне енді.
Комплаенс - бұл заңнаманың, реттеушілердің, бақылаушы ұйымдардың нұсқамаларының сақталмауынан туындайтын тәуекелдерді бақылау және басқару жүйесі. Осылайша, нарық субъектілері тиісті тауар нарығында адал бәсекелестікке және қорғау саласындағы заңнаманы бұзушылықтардың алдын алу бойынша шаралар қабылдауға ұмтылысты растайды. Бұл дегеніміз тексеріс жасамай, өз еркімен комплаенсты беру арқылы өзіндік орындау туралы міндеттеме алу.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
